İqtisadiyyat

Bakı-Tbilisi-Qars ikitərəfli rejimdə işə salınıb

Bakı-Tbilisi-Qars dəmir yolu ilk dəfə olaraq ikitərəfli rejimdə işə salınıb.

Bunu Gürcüstanın iqtisadiyyat və dayanıqlı inkişaf naziri Natiya Turnava deyib.

O bildirib ki, dəmir yolunun ikitərəfli rejimdə işə düşməsi bu marşrutla yükdaşımaların əhəmiyyətli dərəcədə artmasına, eləcə də Gürcüstanın tranzit imkanlarının yüksəlməsinə yol açacaq.

Nazir əlavə edib ki, Bakı-Tbilisi-Qars dəmir yolu Avropa ilə Çin bazarı arasında ən qısa marşrutdur.

Türkiyədən Çinin Sian əyalətinə yük qatarı dekabrın 4-də İstanbuldan yola salınıb. Qatarın 12 gün ərzində hədəf nöqtəyə çatması gözlənilir. Qatar 8 693 kilometr yol, iki qitə, iki dəniz və beş ölkə qət edəcək. Yük qatarı 42 konteynerdən ibarətdir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir