Dağıstanda səhər saatlarında baş vermiş zəlzələ nəticəsində Bakı-Novorossiysk neft kəməri zədələnməyib.
Bu barədə Rusiyanın “Transneft” şirkətinin rəsmi nümayəndəsi İqor Demin məlumat verib.
“Bakı-Novorossiysk magistral neft kəmərində aparılan yoxlamanın nəticələrinə görə, episentrdən 200 kilometr radiusda heç bir zədə aşkar edilməyib. Bütün qurğular normal işləyir”, – Demin bildirib.
Xatırladaq ki, Dağıstanın Aqul rayonunda 4,6 bal gücündə zəlzələ qeydə alınıb.
Mənbə: TASS
Xeberal.az
