İqtisadiyyat

Ötən il Dövlət Neft Fondu AÇG-dən yeddi milyard dollara yaxın gəlir əldə edib

Sharing is caring!


2023-cü ildə Azərbaycan Dövlət Neft Fondu (ARDNF) Xəzər dənizinin Azərbaycan sektorunda yerləşən “Azəri-Çıraq-Günəşli” (AÇG) yataqlar blokundan 6 milyard 899,2 milyon ABŞ dolları məbləğində gəlir əldə edib.

Bu barədə fonddan məlumat verilib.

Bildirilir ki, bu, 2023-cü ilin göstəricisi ilə müqayisədə 2 milyard 989,8 milyon ABŞ dolları və yaxud 30,23% azdır.

Xatırladaq ki, 2023-cü ildə ARDNF AÇG-dən 9 milyard 889 milyon ABŞ dolları məbləğində gəlir əldə edib.

Qeyd edək ki, AÇG Azərbaycanın ən böyük neft yatağı blokudur. Yataqlar blokunun işlənməsi üzrə hasilat bölgüsünə dair ilk müqavilə 1994-cü ilin 20 sentyabr tarixində imzalanıb. 2017-ci ilin 14 sentyabr tarixində isə həmin yataqların birgə istismarına və hasilatın pay bölgüsünə dair yeni saziş imzalanıb. Bu saziş yataqların 2049-cu ilin sonunadək işlənməsini nəzərdə tutur.

AÇG-də bp (30,37%), SOCAR (25%), “MOL Group” (9,57%) INPEX (9,31%), “Equinor” (7,27%), “ExxonMobil” (6,79%), TPAO (5,73%), ITOCHU (3,65%), “ONGC Videsh Limited” (2,31%) pay sahibidir.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir