Argentina Futbol Assosiasiyası (AFA) və Braziliya Futbol Konfederasiyasının (CBF) birgə bəyanatına görə, İdman Arbitraj Məhkəməsi (CAS) Braziliya və Argentina yığmalarına 2022-ci il dünya çempionatının seçmə oyununu təkrar keçirməməyə icazə verib.
Onun nəticəsinin seçmə mərhələnin yekunlarına təsir etməyəcəyi bildirilib.
Xatırladaq ki, 2021-ci il sentyabrın 5-də San-Pauluda baş tutan oyun koronavirus protokolunun pozulması səbəbindən dayandırılıb.
Fevral ayında FİFA matçın təkrar keçirilməsinə qərar verib.
Avqustun 11-də CBF argentinalılarla oyunu təkrar etməməyi xahiş edib.
Bu gün isə məlum olub ki, AFA, CBF və FİFA CAS-dakı mübahisəni həll edib. AFA COVID protokollarını pozduğuna görə 150 min, CBF isə 300 min İsveçrə frankı cərimələnib. Cərimələrin 25%-i koronavirusla mübarizə üçün Ümumdünya Səhiyyə Təşkilatına (ÜST) köçürüləcək.
Mənbə: gazeta.ru
Xeberal.az
