“Neftçi” klubunun aşağı yaş qruplarından ibarət komandaları İsveçdə təcrübə keçə bilərlər”.
“Report”un məlumatına görə, bu barədə “ağ-qaralar”ın idman direktoru Yens Andersson mətbuat konfransında bildirib.
İsveçdən olan mütəxəssis konkret planlar olmasa da, məsələnin müzakirəyə açıq olduğunu vurğulayıb:
“Azərbaycan futbolu ilə bağlı təcrübəm hələlik çox deyil. AVRO-2024-ün seçmə mərhələsində milli komandanıza qarşı oyun keçirmişik. Noyabrda da İsveç yığması buraya gələcək”.
O, ölkəsindən “Neftçi”yə futbolçu transfer olunması ehtimalına da toxunub:
“Ola bilər. Amma mütləq şəkildə isveçli olması şərt deyil. Yaxşı futbolçu fərqli mədəniyyətə uyğunlaşa biləcəkmi? Ümumiyyətlə, gələn legionerin Azərbaycanda nə dərəcədə özünü göstərə biləcəyinə baxmaq lazımdır”.
Xeberal.az