İngiltərə Premyer Liqasında VIII tur davam edir.
Oxu.Az xəbər verir ki, “Çelsi” çempionatda ardıcıl ikinci qələbəsini qazanıb.
London təmsilçisi səfərdə “Bernli”dən güclü olub – 1:4. Hesabı meydan sahiblərinin heyətində Uilson Oddobert açsa da, Koul Palmer (penaltidən), Rahim Sterlinq, Nikolas Ceksonun qolları və Amin Al Daxilin avtoqolu “zadəganlar”a qələbə qazandırıb.
Xallarını 11-ə çatdıran “Çelsi” 10-cu pillədədir. “Bernli” dörd xalla 19-cudur. “Mançester Yunayted” isə “Brentford”la ev oyununun son dəqiqələrində geridönüş edərək qələbə qazanıb – 2:1. 26-cı dəqiqədə Matias Yensenin hesabı açdığı qarşılaşmada “qırmızı şeytanlar”ın qələbə qollarına 90+4-cü və 90+7-ci dəqiqələrdə Skot Maktominey imza atıb.
Bu qələbədən sonra xallarını 12-yə çatdıran “Mançester Yunayted” doqquzuncudur. “Brentford” isə yeddi xalla 14-cü pillədə qərarlaşıb.
Faiq Tahirov
Xeberal.az
