Azərbaycanın MMA döyüşçüsü Tofiq Musayev zədəsini sağaldıb.
Bu barədə Oxu.Az saytına açıqlamasında 34 yaşlı idmançı özü məlumat verib:
“Aleksandr Şabli ilə döyüşdən sonra Bakıya qayıdıb müalicəyə başlamışdım. Artıq yaxşıyam. Məşqlərə başlamışam və yaxın gələcəkdə döyüşməyə tam hazır olacağam”.
T.Musayev növbəti döyüşünün vaxtının dəqiq bəlli olmadığını bildirib:
“İyun və ya iyulda “Bellator”da döyüşməliyəm. Döyüş ya ABŞ, ya da Yaponiyada olacaq. Hansı proqram məsləhət bilinsə, ora gedəcəyəm”.
Qeyd edək ki, Tofiq Musayev dünya Qran-prinsinin 1/4 final mərhələsində Aleksandr Şabli ilə döyüşdə zədələnib texniki nokautla məğlub olmuşdu.
Faiq Tahirov
Xeberal.az