Ukraynanın müdafiə naziri Aleksey Reznikov NATO-ya Ukraynanı faktiki üzv kimi tanımağı və onu alyansın Madrid sammitində müzakirə olunacaq yeni strategiyasına daxil etməyi təklif edib.
“NATO-nun Madriddə keçiriləcək sammiti zamanı… (alyans – red.) növbəti 10 il üçün strategiya qəbul edəcək. Məncə, əgər söhbət Ukraynanın de-yure deyil, de-fakto NATO-ya üzvlüyündən gedirsə, bu yaxşı fikir ola bilər, belə ki, Ukrayna da bu strategiyanın bir hissəsi olacaq. Çünki biz Avropanın, NATO və Aİ-nin şərq cinahının bir hissəsiyik. Düşünürəm ki, bu, bütün üzv ölkələr (NATO və Aİ – red.) üçün qazanclı situasiya olacaq. – deyə Reznikov YouTube-da yayımlanan Bratislava forumunda çıxışı zamanı deyib.
NATO bundan əvvəl iyunda Madrid sammitində yeni alyans strategiyasının müzakirə ediləcəyini bildirmişdi.
Mənbə: RİA Novosti
Xeberal.az
