UEFA Avropa Liqasında 1/8 final mərhələsinin cavab oyunları keçirilir.
İlk qarşılaşmada “Slaviya”nı evdə 4:2 hesabı ilə məğlub edən “Milan” səfərdə də qələbə qazanaraq 1/4 finala adlayıb – 1:3.
Səfərdə “Frayburq”a minimal hesabla (1:0) uduzan “Vest Hem” doğma meydanda beş cavabsız qol vuraraq cütün taleyini həll edib – 5:0
Həmçinin, “Reyncers” ev matçında “Benfika”ya (ilk oyun 2:2) uduzaraq turnirdən kənarda qalıb – 0:1. “Vilyareal” öz stadionunda “Marsel”i (ilk oyun 0:4) məğlub etsə də, bu, 1/4 final vəsiqəsi üçün kifayət etməyib – 3:1.
UEFA Konfrans Liqasında 1/8 finalın cavab oyunları “Fənərbağça”nın mərhələ adlaması ilə əlamətdar olub. Türkiyə klubu İsveçrə “Yunion”u ilə matça səfərdəki 0:3 hesablı üstünlüklə çıxıb. İstanbuldakı qarşılaşmada məğlubiyyətə baxmayaraq, yekunda sevinən tərəf “sarı-lacivərd”lər olublar – 0:1.
Millimizin futbolçusu Mahir Emrelinin üzvü olduğu Zaqreb “Dinamo”su ilk ev matçında Yunanıstan PAOK-unu 2:0 hesabı ilə məğlub etsə də, səfərdə 5:1 hesabı ilə uduzaraq turnirdə mübarizəsini dayandırıb.
Xeberal.az
