Rusiya hərbçilərinin Ukraynanın Xerson vilayətinə hücumunun ilk günü müşahidə kameralarına əks olunmuş videogörüntülər yayılıb.
Kadrlarda “Kaxovskaya” Su Elektrik Stansiyasına gedən yol əks olunub.
Həmin yoldan əvvəlcə “Msta-B” haubitsaları ilə Ukrayna Silahlı Qüvvələrinin kolonu keçir, bir neçə dəqiqə sonra isə onun arxasınca öz zirehli texnikaları ilə Rusiya hərbi qüvvələrinin kolonu hərəkət edir. Onlara doğru Ukrayna Silahlı Qüvvələrinin bir neçə maşını gəlir. Lakin tərəflərdən heç biri bir-birinə qarşı hər hansı düşmənçilik nümayiş etdirmir.
Ehtimal olunur ki, Rusiya qüvvələri diqqətlərini başqa heç nəyə yayındırmadan obyektləri ələ keçirməyə cəhd ediblər. Ukrayna Silahlı Qüvvələrində isə həmin vaxt xaos hökm sürüb.
Mənbə: NEWS.ru
Xeberal.az
