Əfqanıstanda insan hüquqlarına riayət olunması məsələləri ölkədə hakimiyyəti ələ keçirmiş “Taliban” hərəkatı ilə beynəlxalq ictimaiyyət arasında münasibətlərin dalana dirənməsi üçün əsas olaraq qalır.
Bu barədə BMT-nin baş katibinin Əfqanıstan üzrə xüsusi nümayəndəsi Roza Otunbayeva bildirib.
“Əfqanıstan tərəfindən ratifikasiya olunmuş BMT müqavilələrində təsbit olunmuş beynəlxalq norma və standartlara riayət etmək Birləşmiş Millətlər Təşkilatında yer almaq üçün əvəzsiz şərt olaraq qalacaq”, – deyə Otunbayeva Təhlükəsizlik Şurasının iclasında bildirib.
Onun qiymətləndirməsinə əsasən, Əfqanıstanda insan haqlarının vəziyyəti qadınlara və qızlara qarşı sistematik diskriminasiya, siyasi fikir ayrılığının və söz azadlığının qarşısının alınması, hökumət orqanlarında azlıqların nümayəndələrinin sayının əhəmiyyətli dərəcədə olmaması, habelə məhkəmədənkənar qətllər, əsassız həbslər və işgəncələrlə xarakterizə olunur.
O, Əfqanıstanın şiə icmasının qeyri-proporsional şəkildə yüksək risklə üzləşdiyinə diqqət çəkib: son aylarda İŞİD-in üzərinə götürdüyü üç hücumda 39 nəfər həlak olub. Heratda şiə din xadimlərinə edilən hücumlarda doqquz nəfər həlak olub.
Mənbə: interfax.ru
Xeberal.az
