Qəzza zolağı ilə həmsərhəd bölgələrdən İsrail vətəndaşlarının təxliyəsinin uzadılması təklifi ölkənin Müdafiə Nazirliyi (MN) tərəfindən irəli sürülüb.
KİV-in məlumatına görə, bu təşəbbüs evakuasiya tədbirlərinin dekabrın 31-dək uzadılmasını nəzərdə tutur. İsrail hökuməti MN-in təklifini qəbul edərsə, bu tədbirlərin həyata keçirilməsi üçün ölkə büdcəsindən milyardlarla şekel ayrılmalı olacaq.
Qeyd edilir ki, Qəzza zolağından 7 kilometrədək məsafədə yerləşən ərazilər evakuasiyaya məruz qalır, həmçinin Livanla sərhədə yaxın yaşayış məntəqələrinin sakinlərinin təhlükəsizliyinin təmin edilməsi də planlaşdırılır.
Bundan başqa, məcburi köçkünlərə maddi yardımın müddətinin uzadılması da təklif olunur. Bütün əməliyyatların ümumi dəyəri bir neçə milyard şekel dəyərində qiymətləndirilir. Həmçinin vurğulanıb ki, qərara bəzi hökumət nazirliklərinin fikirləri mane ola bilər.
İsrail hökuməti bildirib ki, 200 min vətəndaşı cənubda HƏMAS və şimalda “Hizbullah”la döyüşlər səbəbindən evlərini tərk etmək məcburiyyətində qalıb.
Mənbə: osnmedia.ru
Xeberal.az
