Avropa Liqasının qrup mərhələsinin III turunda keçiriləcək “Bayer” (Almaniya) – “Qarabağ” matçında Azərbaycan komandasını dəstəkləmək istəyən azarkeşlər üçün 1200 bilet ayrılıb.
Bu barədə Ağdam klubunun mətbuat xidməti məlumat yayıb.
Həmin biletlər oyun günü – oktyabrın 26-da yerli vaxtla 18:00-dan etibarən “BayArena” stadionunda SG1 və SG3 sektorlarının qarşısında satılacaq. Biletin qiyməti 15 avrodur.
Qeyd edək ki, oktyabrın 26-da reallaşacaq “Bayer 04” – “Qarabağ” görüşü Bakı vaxtı ilə saat 23:00-da başlayacaq.
Xeberal.az
