Günümüzdə bir çox insanlar ürək ağrılarından şikayət edir, infarkt keçirirlər. Terapevt Nadejda Çernışova infarkt riskində olanlardan danışıb.
“İnfarktın xüsusi risk qrupuna diabet, yüksək qan təzyiqi, aritmiya, ateroskleroz və ürək-damar problemlərinə irsi meylli insanlar daha çox daxildir”, – deyir terapevt.
Ekspert bildirir ki, əgər yaxın qohumlarınızdan biri artıq infarkt keçiribsə, mütəmadi olaraq siz də ürəyinizin fəaliyyətinə nəzarət etməlisiniz.
Ürək döyüntüsü pozğunluğu, qanda yüksək xolesterol və qan təzyiqi infarkt riskini bir neçə dəfə artırır. Həkim onu da qeyd edib ki, şəkərli diabetdən əziyyət çəkən insanlar da həssas qrupdadır.
Şəkərli diabet xəstələri çox vaxt yüksək qan şəkərinə görə deyil, infarkt səbəbindən ölürlər. Bu xəstəliyə damarları bağlayan trombların əmələ gəlməsi çox xarakterikdir.
İnfarktın qarşısını almaq üçün Çernışova pəhrizə riayət etməyi, müntəzəm idmanla məşğul olmağı, stresin öhdəsindən gələ bilməyi və pis vərdişlərdən imtina etməyi tövsiyə edir.
Mənbə: Rambler
Xeberal.az
