ABŞ dövlət katibi Antoni Blinken ABŞ vəsaitlərinin İsrailə hücum üçün istifadə edilmədiyini iddia edir.
“Fakt budur ki, ABŞ vergi ödəyicilərinin bir dolları belə istifadə olunmayıb. Bu vəsaitlər, İranın Cənubi Koreya hesablarında olan və neft satışından əldə olunan vəsaitləri idi. İranın onlardan humanitar məqsədlər üçün istifadə etmək hüququ var idi. İstifadəni asanlaşdırmaq üçün onlar bir hesabdan digərinə köçürülüb. Hazırda bu hesablardan bir dollar belə istifadə olunmayıb”, – Blinken CNN telekanalına müsahibəsində bildirib.
Xatırladaq ki, bu yaxınlarda rəsmi Vaşinqton Tehrana İranın dondurulmuş vəsaitlərinin 6 milyard dollarlıq hissəsindən istifadə imkanı yaradıb.
Mənbə: TASS
Xeberal.az
