Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, son bir neçə gündür, Çerniqov, Kiyev, Jitomir vilayətləri yenidən Rusiya ordusu tərəfindən hava hücumuna məruz qalır.
Qeyd olunub ki, ötən gecə Rusiya ordusu Ukraynanın bütün cəbhəboyu ərazilərinə hücuma cəhd edib. Təkcə Donetsk vilayətində Rusiya ordusunun 30-a qədər hücumu qeydə alınıb. Ukrayna Silahlı Qüvvələri tərəfindən hücumların qarşısı alınıb.
O da bildirilib ki, Zaporojye vilayəti istiqamətində Ukrayna ordusunun əks-hücum əməliyyatı davam edir:
“Əks-hücum əməliyyatı zamanı Ukrayna Silahlı Qüvvələrinin “Qafqaz” ləqəbli azərbaycanlı hərbçisi kadırovçulara məxsus tank heyətini məhv edib”.
Ətraflı videonu təqdim edirik:
