Ramin Yektapərəst adlı İran əsilli Almaniya vətəndaşı son aylarda Almaniyada yəhudilərə və sinaqoqlara qarşı silsilə hücumların təşkilinə başçılıq edib.
Bu barədə “Azad İran” “Telegram” kanalında məlumat verilib.
Bildirilib ki, Almaniyada anadan olan Raminin 34 yaşı var:
O, bir müddət Leverkuzen şəhərində əxlaqsızlıq yuvası işlədib.
Məlumata görə, Tehrandan olan Ramin Yektapərəst Almaniyada Babək J. adlı şəxslə əlaqə quraraq yəhudi məskənlərinə qarşı hücumların koordinasiya edilməsinə rəhbərlik edib.
Daha öncə Almaniya mətbuatı ölkənin kəşfiyyat orqanlarına istinadən xəbər vermişdi ki, bu şəxs şəhərdəki sinaqoqa silahlı hücum, Bohumda yəhudi sinaqoquna bağlı məktəbə Molotov kokteyli atmaq və Dortmunddakı sinaqoqa qarşı növbəti hücumu planlaşdırmağa görə məsuliyyət daşıyır.
Bazar ertəsi “Washington Post” qəzeti beş alman təhlükəsizlik rəsmisinə və iki Qərb kəşfiyyat rəsmisinə istinadən yazıb ki, o, Tehran vasitəsilə və SEPAH rəhbərliyi altında yəhudi sinaqoqlarına qarşı hücumlar planlaşdırmaqda şübhəli bilinir. Keçən il alman mətbuatı yazıb ki, Yektapərəst Almaniyadakı cinayətkar dəstələrlə tanışlığına görə əslində bu ölkədə SEPAH-ın “uzaqdan podratçısı rolunu oynayır”.
Xeberal.az
