Gürcüstanda 4,2 bal gücündə zəlzələ baş verib.
Zəlzələ ocağı Tbilisidən 62 km məsafədə – Dmanisi şəhərində yerləşib.
Ölənlər və dağıntılar barədə məlumat yoxdur. Yeraltı təkanlar Tbilisinin bəzi rayonlarında hiss olunub.
Gürcüstanda sonuncu dəfə fevralın 21-də Ozurqeti şəhərində 3 bal gücündə zəlzələ qeydə alınıb.
Gürcüstan orta seysmik aktivliyə malik ölkədir. Gürcüstanda qeydə alınan ən güclü zəlzələ 7 bal gücündə 1991-ci ildə Raça və İmereti (Qərbi Gürcüstan) bölgələrində baş verib.
Mənbə: Sputnik Gürcüstan
Xeberal.az
