Çin Xalq Respublikasının sədri Si Cinpin yeni Ay ili ərəfəsində çinlilərin ölkə ətrafında saysız-hesabsız səyahət etmələri səbəbindən ölkənin kənd yerlərində COVID-19-un yayılmasından narahatlığını ifadə edib.
Bu, Çin rəhbərinin səhiyyə sahəsində böhranın artması ilə bağlı birbaşa etirafıdır.
O bildirib ki, Çin pandemiyaya cavab tədbirlərinin yeni mərhələsinə başladığı üçün indi onu ilk növbədə əsas kənd yerləri və kənd insanları ilə bağlı vəziyyət narahat edir.
Çin lideri tibbi resursların artırılması və koronavirusun ağır hallarının müalicəsinə daha yaxşı hazırlaşmağı, qocalar evləri və sosial müəssisələrdə daha sərt sanitar tədbirlərin bərpasını tələb edib.
Ekspertlər xəbərdarlıq edirlər ki, Çində gələn həftə rəsmi olaraq başlayacaq yaz tətili 2020-ci ilin əvvəlində Uhanda baş verən epidemiyadan sonra ən böyük COVID-19 epidemiyası ola bilər.
Çin rəsmiləri yaxın həftələrdə Çində 1,4 milyard insanın yaxınları ilə görüşmək üçün iki milyard səfər edəcəyini proqnozlaşdırırlar. Bu rəqəm pandemiyadan əvvəlki səviyyənin təxminən üçdə ikisidir.
Mənbə: Financial Times
Xeberal.az
