Keniyalı təhlükəsizlik üzrə mütəxəssis Con Njue Kibue dünya çempionatının oyunlarının keçirildiyi Lusail Milli Stadionunda səkkizinci mərtəbədən yıxılaraq xəstəxanada dünyasını dəyişib.
Kibuenin 24 yaşı var idi. Onun ağır kəllə-beyin travması, üz və çanaq sümüklərinin sınığı ilə Doha Ümumi Xəstəxanasının reanimasiya şöbəsinə yerləşdirildiyi bildirilir.
Qeyd olunur ki, turnirin təşkilatçıları təcili olaraq baş verən hadisəni araşdırırlar.
Xatırladaq ki, dekabrın 18-də Lusaildə dünya çempionatının final oyunu keçiriləcək.
Mənbə: TASS
Xeberal.az
