“Azərbaycanın xarici siyasəti ondan ibarətdir ki, qonşu ölkələrlə yaxşı münasibətlər olsun. Biz bu istiqamətdə ardıcıl addımlar atmışıq. İranla Azərbaycan arasında bir sıra layihələr həyata keçirilib”.
“Report”un xəbərinə görə, bunu xarici işlər naziri Ceyhun Bayramov jurnalistlərə açıqlamasında deyib.
“İran mediasında Azərbaycana qarşı söylənilən fikirlər bizi narahat edir. İranlı həmkarım bu məsələlərə həssaslıqla yanaşır və münasibətlərimizdə xoşagəlməz halların aradan qaldırılması üçün addımlar atır. Bizim onlarla birbaşa əlaqələrimiz var”, – nazir vurğulayıb.
Xeberal.az
