Rus “sülhməramlı”ları Xankəndini içməli su ilə təchiz etmək üçün işğal altındakı ərazilərdə su anbarı tikirlər. Onların nəzarəti altında aparılan bu tikintidən Azərbaycan hakimiyyətinin xəbəri varmı? Vardırsa, niyə ondan icazə almayan erməni separatçılarına və onları qoruyan rus “sülhməramlı”larına göz yumur?Moderator.az-ın suallarını cavablandıran Ədalət Partiyasının sədri, hüquq elmləri doktoru İlyas İsmayılovun fikrincə, erməni separatçılarının bu qanunsuz fəaliyyətinə rus “sülhməramlı”larının göz yumması Moskvanın vasitəçilik tərəfsizliyinə kölgə salır. “Əvvəla, Rusiya guya Qarabağda sülhməramlı missiya ilə çıxış edir. Sülhməramlı qüvvə mütləq tərəfsiz olmalı və fəaliyyət göstərdiyi ərazilərdə beynəlxalq hüquq normalarına, ölkələrin ərazi bütövlüyünə hörmətlə yanaşmalıdır. Yadınızdadırsa, 44 günlük Vətən müharibəsi dövründə Rusiya dəfələrlə Qarabağın Azərbaycanın tərkib hissəsi olduğunu rəsmən etiraf etmişdi. Qarabağa da guya azərbaycanlılarla ermənilər arasında münasibətləri yoluna qoymaq, bu ərazidə yaşayan erməniləri Azərbaycana inteqrasiya etdirmək üçün gəlib. Bu ideya ilə çıxış edən qüvvə öz missiyasına uyğun hərəkət etməli, ermənilərin özbaşınalığına imkan verməməlidir. Rusiya isə gah Ermənistanı silahlandırır, gah Qarabağın “müstəqilliyi”ni tanıyan addımlar atır, gah da Azərbaycan qarşısında suverenlik haqlarımızı heçə sayan tələblər qoyur. Sözsüz ki, bu mövqe onun iddia etdiyi missiyaların çərçivəsinə sığmır”. İlyas İsmayılovun fikrincə, Azərbaycanın buna reaksiyası sərt olmalıdır. Rəsmi Bakı onun razılığı alınmadan tikilən su anbarının inşasının dayandırılmasını tələb etməli, tələbləri yerinə yetirilmədiyi təqdirdə həmin obyekt barəsində hərbi ölçü götürməlidir: “Çünki bu cür tikililər ölkənin fauna və florasını təhlükə altına ata bilər. Üstəlik, Azərbaycanın bir çox rayonlarının su ilə təchizatı üçün hələ sovet hökuməti dövründə inşa olunan su anbarlarının qidalanmasına zərər vurmaq ehtimalı da var. Bütün bu amillər hesablandıqdan sonra belə tikililərə icazə vermək olar”. Partiya sədrinin iddiasına görə, Dağlıq Qarabağ ərazisi Azərbaycan coğrafiyasında ən sulaq bölgə kimi tanınır: “Faktiki olaraq bu ərazidə yağmur miqdarı buxarlanma miqdarını aşır. Dolayısıyla bölgənin su təchizatı üçün xüsusi anbarların tikintisinə də ehtiyac yoxdur. Bu problemi həll etməyin başqa alternativləri də ola bilər və bunu müfaviq qurumlar qərar verməlidir”. Qeyd edək ki, ermənilər son 30 ildə rastlaşmadıqları su qıtlığı ilə üzləşdiklərini iddia edirlər. Onların iddiasına görə, Xankəndini qidalandıran 3 kanaldan birinin suyu tamamilə quruyub, digərlərində isə sərfiyyat midarı 2/3 həddə azalıb. Guya, bu səbəbdən də ermənilər Xankəndi yaxınlığında su anbarı tikirlər və onları rus “sülhməramlı”ları qoruyur. İlyas İsmayılov isə bu arqumenti şübhəli sayır. Onun fikrincə, məqsəd uydurma faktlarla Suqovuşan və Sərsəng su anbarlarını qurutmaq ola bilər.
Oxşar Xəbərlər
Uşaqları zorlayanlar axtalanmalıdır – Deputatdan TƏKLİF
“Azərbaycanda 100 min nəfərə düşən intihar halları 4-5% arasındadır. Bu rəqəmlər bizə təskinlik verməməlidir. Çünki hər intihar bir ailənin faciəsidir”. “Report” xəbər verir ki, bunu Milli Məclisin deputatı Tamam Cəfərova deyib. O qeyd edib ki, kişilər arasında intihar halları qadınlardan çoxdur: “Qadınların intiharının səbəblərindən birincisi məhz məişət zorakılığıdır. Yeniyetmələrin intiharına gəlincə, sonradan məlum olub ki, onlar […]
Azərbaycan millisinin futbolçusunun cəzası məlum oldu
Tailandın “Buriram Yunayted” klubunda çıxış edən Azərbaycan millisinin futbolçusu Ramil Şeydayev 8 oyunluq cəzalandırılıb. “Report”un məlumatına görə, buna səbəb onun Asiya Çempionlar Liqasında Çinin “Çjetszyan” klubu ilə keçirilən səfər oyunundan sonra dava-dalaşda iştirak etməsi olub. Rəqib futbolçu ilə əlbəyaxa olan forvard Asiya Futbol Konfederasiyası tərəfindən diskvalifikasiya edilib. Həmçinin onun iki komanda yoldaşı 6 matçlıq cəza alıb. […]
Abşeronda şagird məktəbdə sinif yoldaşını bıçaqlayıb polisə təslim oldu
Sentyabrın 24-də Xırdalan şəhəri 7 saylı orta məktəbdə şagird bıçaqlanıb. “Qafqazinfo”nun əldə etdiyi məlumata görə, məktəbin 11-ci sinif şagirdi, 2006-cı il təvəllüdlü şagird sinif yoldaşı, 2005-ci il təvəllüdlü şəxsə bıçaqla xəsarət yetirib. Hadisə saat 13 radələrində baş verib. Bıçaqlanan şagird xəstəxanaya çatdırılıb. Sinif yoldaşını bıçaqlayan yeniyetmə hadisədən sonra Abşeron Rayon Polis İdarəsinə gedərək könüllü təslim […]