Kişi voleybolçulardan ibarət “Xarı Bülbül” komandasının Çelenc Kubokunda növbəti oyunlarının vaxtı bəlli olub.
Azərbaycan Voleybol Federasiyasından verilən məlumata görə, Yunanıstanın “Panatinaikos” klubu ilə 1/16 final mərhələsinin ilk oyunu noyabrın 21-də Bakıda, Gənclər və İdman Nazirliyinin Voleybol Mərkəzində keçiriləcək. Qarşılaşma saat 19:00-da start götürəcək.
Noyabrın 29-da Yunanıstanda reallaşacaq cavab görüşü isə Bakı vaxtı ilə saat 20:00-da başlayacaq.
Qeyd edək ki, “Xarı Bülbül” əvvəlki mərhələdə Slovakiyanın “TJ Spartak” komandasını mübarizədən kənarlaşdırıb.
Xeberal.az