Yaponiya Aerokosmik Agentliyi (JAXA), NASA və Avropa Kosmik Agentliyi (EKA) ilə əməkdaşlıq edərək, rentgen vizualizasiyası və spektroskopiyadan istifadə edərək kosmosun tədqiqi üçün yeni genişmiqyaslı missiyanı işə salmağa hazırlaşır. XRISM kosmik aparatı sentyabrın 7-də Yaponiyadakı Taneqaşima Kosmik Mərkəzindən buraxılmalıdır. Bu barədə EKA-nın rəsmi saytında məlumat verilib.
EKA alimlərinin sözlərinə görə, XRISM astrofiziklərə kainatdakı ən böyük strukturların necə inkişaf etdiyini, maddənin kosmosda necə paylandığını və qalaktikaların necə əmələ gəldiyini anlamağa kömək etmək üçün nəzərdə tutulub. Peykin sensorları kosmosdakı ən isti obyektləri – qara dəlikləri və qalaktika klasterlərini izləmək üçün nəzərdə tutulub. Peykin sensorları kosmosdakı ən isti obyektləri – qara dəlikləri və qalaktika klasterlərini izləmək üçün nəzərdə tutulub.
XRISM kosmik gəmisi rentgen diapazonunu öyrənmək üçün iki alətlə təchiz edilib: “Resolve” və “Xtend”. Birinci alət – “Resolve” cihazı çox aşağı temperaturda işləyən kriogen hissəciklər detektorudur. Kosmosun dərinliklərindən gələn rentgen şüalarının yaratdığı ən kiçik temperatur dəyişikliklərini aşkar etmək üçün məhz belə şərtlər tələb olunur. İkinci alət – “Xtend” cihazı gəmini rentgen diapazonunda geniş əhatə dairəsi ilə təmin edəcək.
Daha əvvəl Yaponiya üçüncü dəfə Ayın tədqiqi üçün nəzərdə tutulmuş SLIM stansiyasının buraxılışını təxirə salıb. Stansiyanın kosmosa buraxılışı pis hava şəraiti səbəbindən baş tutmayıb.
Mənbə: Qazeta.ru
Xeberal.az
