Rusiyanın Moskva şəhəri yaxınlığında yerləşən Naxabino qəsəbəsində qıza qarşı şiddət göstərən 20 yaşlı miqrant Şahzod Curaboyevin bir il əvvəl ruhi xəstəxanada yatdığı məlum olub.
O, törətdiyi əməli etiraf edib və bu barədə danışarkən başının içində “səslər” eşitdiyini bildirib.
Kameraların qeydə aldığı görüntülərə görə, Şahzod sadəcə qıza yaxınlaşıb və dərhal onu vurub. Çaşqınlıq keçirən Faina əli ilə partlamış dodağını tutaraq geri çəkilib və nə baş verdiyini dərhal anlamayıb. Sonra o, Şahzoddan qaçmağa başlayıb. Onun qaçdığını görən miqrant isə bir neçə yüz metr öz “möhtəşəm” yerişi ilə onu təqib etməyə davam edib.
Qeyd edək ki, miqrant Şahzod Curaboyevə “Xuliqanlıq” maddəsi üzrə iş açılıb və bu maddəyə görə onun beş ilə qədər azadlıqdan məhrum edilməsi nəzərdə tutulur.
Mənbə: “SHOT” “Telegram”
16:01
Rusiyanın Moskva şəhəri yaxınlığında yerləşən Naxabino qəsəbəsində qıza qarşı şiddət göstərən miqrant saxlanılıb.
Yayılan məlumata görə qıza qısa “şort” geyindiyinə görə şiddət göstərən miqranta cinayət işi açılıb. Onun öz ölkəsinə deportasiya olunmaq ehtimalı var.
Mənbə: Mash
15:24
Rusiyanın Moskva şəhəri yaxınlığında yerləşən Naxabino qəsəbəsində səhər qaçışına çıxan qız miqrant tərəfindən şiddətə məruz qalıb.
Aqressiv miqrant idman şortunda olan qızın qeyri-münasib geyindiyi düşünüb və elə bu səbəbdən də onu vurub.
Məlumata görə, 21 yaşlı Faina adlı qız uzun idman şortu və idman köynəyi ilə “Drujba” parkında qaçışa çıxıb. Bu zaman ona miqrant yaxınlaşıb və əlindən tutaraq şiddət göstərib. Daha sonra “Niyə belə görünürsən?”, – deyərək miqrant qızın üzünə vurub. Bundan sonra da o sakitləşməyib və iti addımlarla qızı təqib etməyə başlayıb.
Qızın dodağı partlayıb, üzü şişib. O döyüldüyü anları videoya çəkib və polisə müraciət edib. Hazırda miqrant saxlanılıb, onun deportasiya olunması gözlənilir. Lakin son məlumatlara görə, yanlış miqrant saxlanıldığı qeyd edilir. Fainaya hücum edən şəxsin axtarışları davam edir.
Mənbə: “Mash”, “SHOT” “Telegram”
Xeberal.az
