Rusiya təbliğat kanalları bir neçə gün əvvəl akvadronların hücumuna məruz qalan Rusiyanın “Oleneqorskiy qornyak” adlı böyük desant gəmisinə dəyən zədənin fotolarını şəbəkəyə sızdırıb.
Fotoşəkildə gəminin quru dok üzərində olduğu əks olunub. Gəminin kənar hissəsində böyük yanmış zədə var. Onun hündürlüyü bir yarım-iki insan boyu ölçüsündədir. Həmçinin bu zədənin ən dərin nöqtəsində dəlik olduğu da müşahidə olunur. Dəlik gəminin yan tərəfində görünür.
Xatırladaq ki, Ukraynanın liman infrastrukturuna silsilə hücumlardan sonra Ukrayna Silahlı Qüvvələri Rusiyanın iki mühüm gəmisinə – Suriyaya yanacaq daşıyan SIG neft tankerinə və “Oleneqorskiy qornyak” desant gəmisinə zərbələr endirib. İngilis kəşfiyyatı dərhal bildirib ki, sonuncuya dəyən zədə Qara dəniz donanmasına əhəmiyyətli zərbə hesab oluna bilər.
Məsələ burasındadır ki, çəkisi 3600 ton və uzunluğu 113 metr olan bu gəmi 2022-ci il aprelin 13-də “Moskva” kreyserinin batmasından sonra ciddi zədə vurulmuş Rusiya hərbi dəniz qüvvələrinin ən böyük gəmisidir.
Mənbə: ZN.ua
Xeberal.az
