“Rusiya Qafqazda nüfuzunu itirir. Bakı öz təcrübəsindən işğalın nə olduğunu və Kremlin nəyə qadir olduğunu yaxşı bilir”.
Bu barədə Ukraynadan yayımlanan TSN “YouTube” kanalındakı süjetdə qeyd olunub.
Süjetdə vurğulanıb ki, Qarabağın dağlıq bölgəsi hələ Sovetlər Birliyi dövründə Azərbaycanın tərkib hissəsi olub:
“1992-ci ildə orada qanlı müharibə baş verdi. Müharibənin alovlanmasında Moskva da az rol oynamadı. O zaman Azərbaycan müharibədə məğlub oldu, lakin 2020-ci ildə itirilmiş ərazilər üzərində suverenlik bərpa edildi. İndi isə Azərbaycan 30 illik işğaldan sonra öz ərazilərində fəal şəkildə yenidənqurma işləri aparır və torpaqları minadan təmizləyir. Bəs Azərbaycanın təcrübəsi Ukrayna üçün nə dərəcədə faydalıdır?”
Daha ətraflı TSN “YouTube” kanalının hazırladığı videosüjetdə:
Xeberal.az
