Türkiyənin Düzcə şəhərində yenidən zəlzələ olub.
Bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Yeraltı təkanlar Düzcə mərkəzi rayonunda 4,3 bal gücündə olub və ətraf bölgələrdə də hiss edilib.
Zəlzələ yerin 9,52 kilometr dərinliyində qeydə alınıb.
Yeraltı təkanlar zamanı hansısa dağıntı və tələfat qeydə alınmayıb.
Xatırladaq ki, noyabrın 23-də Türkiyənin Düzcə şəhərində 6 bal gücündə zəlzələ olub. Təbii fəlakət nəticəsində 2 nəfər ölüb, 93 nəfər yaralanıb.
Mənbə: Haber Global
Xeberal.az
