Fələstinin HƏMAS radikal hərəkatının Siyasi Bürosuna daxil olan ilk qadın Cəmilə əş-Şanti Qəzzada həlak olub.
Bu barədə “Arabi-21” informasiya portalı Qəzzadakı mənbələrə istinadən məlumat yayıb.
Onların sözlərinə görə, Əş-Şanti İsrailin anklav ərazisinə endirdiyi zərbələr nəticəsində ölüb.
HƏMAS-ın özü hələlik bu məlumatı şərh etməyib.
Hərəkatın qurucularından biri Abdel Əziz Rantisinin arvadı olan Əş-Şanti ərinin 2004-cü ildə vəfatından sonra siyasi fəaliyyətini davam etdirib.
O, xüsusilə, Qəzzada Qadın İşləri Nazirliyinə rəhbərlik edib və 2021-ci ildə HƏMAS Siyasi Bürosunun üzvü olub.
Xeberal.az
