Tədbirlər

Azərbaycanlı görkəmli bəstəkarın şərəfinə keçirilən beynəlxalq musiqi müsabiqəsi açıq elan olunub

Sharing is caring!

Azərbaycanın görkəmli bəstəkarı Cövdət Hacıyevin şərəfinə keçirilən VI “Florida Keys” beynəlxalq musiqi müsabiqəsi onlayn formatda açıq elan olunub. 

Bu barədə Diasporla İş Üzrə Dövlət Komitəsi məlumat yayıb.

ABŞ-ın Florida ştatının Aventura şəhərində təşkil olunan müsabiqədə iştirak etmək üçün yanvarın 23-dən iyunun 12-dək müraciət etmək mümkündür. Müsabiqənin şərtlərinə əsasən, 5-35 yaş həddində olan musiqiçilər ifa etdikləri əsərləri onlayn formatda təşkilatçılara təqdim etməlidirlər. Müxtəlif nominasiyalar üzrə qalibləri məşhur ifaçılar və müəllimlərdən ibarət münsiflər heyəti müəyyənləşdirəcək. Sonda qaliblərə mükafatlar veriləcək.

Müsabiqənin təşkilatçısı – bəstəkarın qızı, Florida ştatında fəaliyyət göstərən Azərbaycan-Amerika Mədəniyyət Assosiasiyası nəzdində təhsil və mədəniyyət komitəsinin sədri Pərvin Muradovadır. Müsabiqənin məqsədi dünyanın hər yerindən istedadlı pianoçuların üzə çıxarılması, Azərbaycanın zəngin musiqi mədəniyyətinin təbliğ edilməsidir.

Müsabiqə barədə ətraflı məlumatı https://www.floridakeyscompetition.com/ linki vasitəsilə əldə etmək mümkündür.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir