XəbərAl.az xəbər verir ki,Ağsu Rayon İcra Hakimiyyətinin başçısı Vahid Tağıyev 28 noyabr 2019-cu il tarixdə hüquq-mühafizə orqanlarının, idarə, təşkilat və müəssisə rəhbərlərinin iştirakı ilə Növcü kəndində səyyar görüşdə vətəndaşları qəbul edib. Qəbul zamanı RİH başçısı ölkədə həyata keçirilən sosial-iqtisadi islahatlardan, əhalinin sosial rifah halının yaxşılaşdırılması sahəsində ölkə başçısının məlum sərəncam və fərmanlarından danışaraq bildirmişdir ki, sosial layihələr çərçivəsində respublikada olduğu kimi rayonumuzda da xeyli işlər görülmüşdür. Vurğulayıb ki, 05.02.2019-cu il tarixdə baş vermiş təbii fəlakət nəticəsində ziyan dəymiş fərdi yaşayış evləri ilə bağlı ölkə rəhbəri cənab İlham Əliyev tərəfindən humanist bir addım atılaraq vətəndaşlara köməkliklər olunmuşdur. Görüşdə Ağsu rayonunda təbii fəlakət nəticəsində dəymiş ziyanla bağlı görülmüş işlər barədə ətraflı məlumat verilmişdir. İzah olunmuşdur ki, zəlzələnin nəticələrinin aradan qaldırılması ilə bağlı Fövqəladə Hallar Nazirliyinin mütəxəssislərindən ibarət komissiya tərəfindən 01 iyun 2019-cu il tarixə kimi qeydiyyata alınmış fərdi yaşayış evlərinə baxış keçirilmişdir. Komissiya tərəfindən verilmiş rəylərə müvafiq olaraq həmin evlərdə təmir-tikinti işləri aparılır. Həmçinin bildirilmişdir ki, vətəndaşların məlumatlandırılması məqsədilə təmirə ehtiyacı olan fərdi yaşayış evləri barədə adlı siyahı nümayəndəliyin məlumat lövhəsində asılmış, nümayəndəliyin işçilərinə əhalinin maarifləndirilməsi tapşırılmışdır. Eyni zamanda RİH başçısı qeyd etmişdir ki, Azərbaycan Respublikası Dövlət Neft Şirkətinin vitse-prezidenti Mikayıl İsmayıl oğlu İsmayılov bu bölgədə infrastrukturun yenidən qürulmasına böyük tövhələr vermişdir. Qəbul zamanı 86 nəfər kənd sakini fərdi qaydada dinlənilmişdir. Sakinlər tərəfindən əkin sahələrinin suvarma suyu ilə təminatının yaxşılaşdırılması üçün su arxlarının qazılması, kənd daxilində əlavə içməli su bulaqlarının qoyulması, Məlikçobanlı və Axundlu kəndlərinin telefonlaşdırılması, torpaq mülkiyyətçilərinin mineral gübrələrlə təmin olunması, Heydər Əliyev Fondunun təşəbbüsü və vəsaiti hesabına tikintisi aparılan, hazırda son tamamlama işləri başa çatmaq üzrə olan uşaq bağçası-körpələr evində tərbiyəçi vəzifəsinə işə düzəlmək, həmçinin digər münasib işlərlə təmin olunmaq üçün köməkliklər göstərılməsi barədə məsələlər qaldırılmışdır. Bundan əlavə RİH başçısı Axundlu kənd sakini Babayev Asif Babalı oğlunun müraciəti əsasında onun evinə getmiş və orada zəlzələ fəsadlarının aradan qaldırılması istiqamətində aparılmış işlərlə tanış olmuşdur. A.Babyevin və digər vətəndaşların təklif və müraciətləri ilə əlaqədar aidiyyatı vəzifəli şəxslərə yerində müvafiq tapşırıqlar vermişdir. Səyyar görüş işgüzar şəraitdə keçmiş, sakinlər tərəfindən rəğbətlə qarşılanmışdır.
Oxşar Xəbərlər
12-ci mərtəbədən yıxılan uşağı havada tutan kişinin qolları sındı – VİDEO
Rusiyanın Yakutsk şəhərində yoldan keçən şəxs 12-ci mərtəbənin pəncərəsindən yıxılan beş yaşlı uşağı tutub. Sosial şəbəkələrdə bununla bağlı kadrlar yayılıb. Hadisə şahidlərinin sözlərinə görə, uşaq bir müddət asılı qalıb. Yoldan keçənlər həmin müddətdə cəld adyal tapa biliblər, amma tuta bilməyiblər. Uşaq qollarını onu tutmaq üçün uzadan kişinin üstünə düşüb. Kişinin hər iki qolu sınıb. Məlumata görə, kişi və […]
Ərdoğandan Qara dənizdəki qaz yatağının istismarı barədə AÇIQLAMA
“Aprelin 20-də Filyosda Qara dəniz qazını yandıracağıq”. Bu sözləri Türkiyə Prezidenti Rəcəb Tayyib Ərdoğan jurnalistlərə açıqlamasında deyib. Onun sözlərinə görə, daha sonra Türkiyə öz daxili qazından istifadəyə başlayacaq. “Uzun illər üzərində çalışdığımız enerji müstəqilliyimizin atəşi həmin gün Qara dənizdən başlayaraq dalğalar şəklində bütün ölkəyə yayılacaq. Qara dəniz qazının uzunmüddətli planlaşdırma və strategiya ilə həyata keçiriləcəyini […]
Qəzza zolağında saxlanılan girovların yarıdan çoxu əcnəbilərdir – STATİSTİKA
Qəzza zolağında Fələstinin radikal HƏMAS hərəkatı tərəfindən saxlanılan girovların yarıdan çoxu əcnəbilərdir. Bildirilir ki, girovlardan 54-ü Tailand, 15-i Argentina, 12-si Almaniya, altısı Fransa və altısı Rusiya vətəndaşıdır. Qeyd edək ki, İsrail hökuməti girovların ümumi sayının 222-yə çatdığını açıqlamışdı. Bundan əvvəl Fələstinin HƏMAS radikal hərəkatının Siyasi Büro rəhbərinin müavini Saleh əl-Aruri bildirib ki, əcnəbi girovlar Qəzza […]