Bu ilin yanvar-iyun ayında Azərbaycanın xaricə qaz satışı təxminən 9,1 mlrd kubmetr təşkil edib.
Bu barədə Energetika Nazirliyinin bu ilin yanvar-iyun ayları üzrə ölkədə neft-qaz hasilatı ilə bağlı hazırladığı operativ məlumatlarına əsasən xəbər verir.
Məlumata görə, bu, ötən ilin müvafiq dövrü ilə müqayisədə təqribən 36 % çoxdur.
Bu ilin yanvar-iyun ayında Türkiyəyə təqribən 4,7 mlrd kubmetr, Avropaya 3,2 mlrd kubmetr, Gürcüstana isə 1,2 mlrd kubmetr qaz ixrac edilib.
Bu dövrdə Bakı-Tbilisi-Ceyhan (BTC) boru kəməri sisteminə 50,5 mln kubmetr qaz verilib.
