Abşeron rayonunda 1 nəfərin xəsarət alması ilə nəticələnən yol-nəqliyyat hadisəsi baş verib.
APA xəbər verir ki, rayonun Mehdiabad qəsəbəsi, “Bağlar” yaşayış massivində yolun piyadalar üçün müəyyən edilməmiş hissəsindən keçən 1983-cü il təvəllüdlü Tağıyeva Gülşən Fəxrəddin qızını minik avtomobili vurub.
Yaralı sınıq xəsarətləri alıb. O, 1 saylı şəhər xəstəxanasına çatdırılıb.
Faktla bağlı Abşeron Rayon Polis İdarəsində araşdırma aparılır.
