Ölkə

“Əhaliyə kütləvi bildirişlərin göndərilməsi dayandırılacaq” – “Azəriqaz”

Sharing is caring!

“Azəriqaz” İB prezident İlham Əliyevin tapşırığına əsasən bir neçə tədbirlər planı qəbul edib. XəbərAl.az xəbər verir ki, bu  barədə birliyin sədri Əkbər Hacıyev bu gün keçirilən toplantıda məlumat verib.

O, bildirib ki, müsbət  beynəlxalq təcrübə nəzərə alınmaqla təbii qazdan qanunsuz istehlak  nəticəsində dəymiş ziyanın hesablanmasına dair sahə üzrə qanunvericiliyin təkmilləşdirilməsi ilə əlaqədar Energetika Nazirliyi ilə birlikdə  təkliflər hazırlanacaq  və müvafiq  qərarların qəbul edilməsi üçün aidiyyəti üzrə təqdim ediləcək:

“Həmçinin qanunvericilikdə müvafiq dəyişikliklər edilənədək qanunsuz istehlak halları üzrə dəymiş ziyanın hesablanmasına dair əsaslı dəlillər olmadan istehlakçılara kütləvi bildirişlərin göndərilməsi dayandırılacaq. Birliyin bəzi əməkdaşları tərəfindən vəzifələrindən sui-istifadə vətəndaşların sadəlövhlüyündən şəxsi maraqları üçün yararlanma hallarını qətiyyətlə qınayırıq. Belə halların vaxtında müəyyən edilməsi, qarşısının alınması və təqsirkar şəxslərin qanunvericiliklə müəyyən olunmuş qaydada məsuliyyətə cəlb edilməsi  barədə ciddi tədbirlər görüləcək”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir