Müharibə

Azərbaycan hərbçiləri sülhməramlıların gizli silah daşıyan karvanını saxlayıb geri yolladılar – FOTO

Sharing is caring!

Rusiyanın sülhməramlı kontingentinin “məsuliyyətsizlik zonası”nda daha bir hadisə ilə bağlı minval.az-a etibarlı mənbələrdən məlumat verilib.

Ötən gün saat 17:15-də Azərbaycan ordusunun keçid məntəqəsində Ağdam ərazisindən Əsgəran-Ağdərə marşrutu ilə keçən Rusiya Federasiyası sülhməramlılarının 1 ədəd BTR-82A zirehli transporu və 3 ədəd “Ural” markalı avtomobilindən ibarət karvanı yoxlama üçün saxlanılıb. Baxış zamanı maşınlardan birinin yük hissəsində yataq döşəkləri arasında ən azı beş “Kalaşnikov” avtomatı (AKM) aşkar edilib. Qaydaların kobud şəkildə pozulmasına – silah və sursatların sənədsiz daşınmasına cavab olaraq karvan geri qaytarılıb.

Bu, məşhur Rusiya-Ermənistan səhlənkarlığına sadəcə baş yelləməklə kifayətləniləcək hadisə deyil.

Daha ətraflı izah üçün deyim ki, karvanda mal əti, qatılaşdırılmış süd konservləri, yaxud qarabaşaq yarması deyil, döyüş silahı – “Kalaşnikov” avtomatı tapılıb! Özü də qəsdən gizlədilən. Bu isə silah qaçaqmalçılığıdır, hansı ki, sovet, daha sonra Rusiya ordusunda nəinki dəfələrlə görünüb, hətta SSRİ-nin, bir müddət əvvəl isə Rusiya Silahlı Qüvvələrinin olduğu yerlərdə çoxləçəkli lalə kimi çiçəklənib.

Ən əsası isə Kremlin cızdığı geosiyasi vektorlarla tam üst-üstə düşür. Bu isə başqa yerlərə baxanda Qarabağda daha yaxşı məlumdur. Xankəndidə mənzilləşən 366-cı alayı xatırlamaq kifayətdir; “Ata-komandirlər” erməni separatçılarına həm silah, həm də ştatlı zirehli texnika, hətta onlara həvalə edilmiş bölmənin təlim keçmiş şəxsi heyətini icarəyə vermişdilər. 1992-ci ilin mayında Laçın uğrunda gedən döyüşlər zamanı elit sayılan Pskov hava-desant qüvvələri diviziyası da eyni şəkildə “icarəyə verildi”. Üstəlik, “miatsuma” şüarı ilə erməni millətçiləri Xankəndi və İrəvanda mitinqlər başlamazdan bir neçə il əvvəl Qarabağın Azərbaycandan ayrılmasına hazırlaşmağa, silah-sursat anbarları, “saqqallı” yaraqlılardan ibarət dəstələr yaratmağa başladılar.

Xatırladaq ki, əvvəlcə həmin “saqqallılar” ov tüfəngləri ilə silahlanmışdılar. Lakin sonra Qarabağda Arkadi Volskinin rəhbərlik etdiyi bədnam “Xüsusi İdarəetmə Komitəsi” yaradıldıqdan və Qarabağa əlavə qoşunlar gətirildikdən sonra çox tez nizami ordu pulemyotları əldə edildi. Ordu əmlakının Qarabağdan çıxarılmasına dəqiq cavabdeh olan polkovnik Blaxotinin Rostovda erməni yaraqlıları tərəfindən qətlə yetirilməsi də bu sxemə uyğundur: nəyin nə qədər çıxarıldığını və nəyin saxlanıldığını və yaraqlılara təhvil verildiyini bilən bir məmur çox təhlükəli şahid idi.

Şuşada 44 günlük müharibə zamanı erməni işğalçıları artıq “İsgəndər-M” əməliyyat-taktiki raket kompleksindən, daha doğrusu onun o modifikasiyasından atəş açmışdılar, hansı ki, heç bir halda Ermənistana verilə və ya hədiyyə edilə bilməzdi. Bəs necə oldu ki, erməni “baş zinvor”larının əlləri əməliyyat-taktiki raket kompleksinin idarəetmə pultuna çatdı? Bu səsləndirilməyə dəyər məsələdir.

İndi də bu biabırçı “ənənələri” Rusiyanın sülhməramlı kontingenti tərəfindən davam etdirildiyinə dair sübutlar getdikcə artır, hazırda – Ermənistan Silahlı Qüvvələrinin bölmələrinin vədlərinə baxmayaraq, Qarabağdan çıxarılmadığı, sülhməramlıların isə separatçıların qeyri-qanuni silahlı birləşmələrini tərksilah etməyi heç düşünmədiyi vaxt bu xüsusilə hiss olunur.

İndi də rusiyalı “mavi dəbilqəlilər”in yaraqlıları silahla təmin etməyə çalışdığına dair ciddi sübutlar var. Bəli, “İsgəndər”i döşəklər və yataq çantaları arasında qaçaqmalçılıq yolu ilə keçirmək çətindir, amma avtomat silah olduqca mümkün görünür. Sadəcə, deyəsən, onlar Azərbaycan əsgərlərinin sayıqlığını və peşəkarlığını aşağı qiymətləndiriblər.

İndi isə nəticə çıxarmaq və hərəkətə keçmək vaxtıdır. Ümid etmək istərdim ki, Rusiyanın sülhməramlı kontingentinin komandanlığı şəxsi heyətini qaydasına salacaq. Ancaq bu baş verməsə və erməni terrorçularının Rusiyanın silahları ilə qaçaqmalçılığı davam etsə, Bakı bundan nəticə çıxaracaq və öz tədbirlərini görəcək!

Sadəcə ona görə ki, imzalanmış müqavilələrə ya əməl olunmalıdır, ya da olunmamalıdır.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir