Azərbaycan yolların keyfiyyətinə görə Asiyada 10-cu, dünyada 24-cü, MDB-də isə birinci yerdədir.
Azərbaycan Avtomobil Yolları Dövlət Agentliyinin verdiyi məlumata görə, “World Economic Forum” avtomobil yollarının vəziyyətinə dair “Quality of roads” hesabatını yeniləyib.
Azərbaycan MDB məkanında ən yüksək nəticə göstərərək 1-ci yerdə qərar tutub. Asiya qitəsində 10-cu, ümumilikdə, 141 ölkə arasında isə dünyada 24-cü yerdə qərarlaşıb.
Qeyd edək ki, avtomobil yollarının keyfiyyətinə görə, ölkəmiz 2016-cı ildə 51-ci, 2018-ci ildə isə 35-ci yerdə idi.
