Çeçenistanda respublika başçısı Ramzan Kadırovun söylədiklərindən sonra Kurçaloydakı uşaq oyun mərkəzinin dizaynı dəyişdirilib
Bu barədə “RİA Novosti” xəbər yayıb.
Qeyd edək ki, uşaq əyləncə mərkəzində divarlara Amerika komikslərindən “Marvel” qəhrəmanlarının – “Kapitan Amerika”, “Tor”, “Dəmir Adam”ın şəkilləri çəkilmişdi. Ramzan Kadırov isə bunların Çeçenistanın milli qəhrəmanları ilə əvəzlənməsini istəmişdi.
Hazırda müəssisənin divarlarında Çeçenistanın ilk prezidenti Əhməd-Hacı Kadırovun, həmçinin Baysanqur Benoyevski, Beybulat Taymiyev və şeyx Mənsur kimi 18-19-cu əsr Qafqaz müharibəsi qəhrəmanlarının təsvirləri əks olunub.
