Maqazin

“Laçına gedib dizimi yerə atıb, torpaqdan üzr istəyəcəm” – İlahə Fəda

Sharing is caring!

“Qürurluyam, Laçınımda tökülən qanların qisası alınır”.

Bu sözləri müğənni İlahə Fəda “Həyat, sevgi və göz yaşları” proqramında qonaq olarkən deyib. Laçınlı ifaçı oradakı xatirələrindən danışıb:

“1973-cü ildə Laçının Alxaslı kəndində doğulmuşam. Orada erməni qızları var idi, uşaq idik birlikdə oynayırdıq. Erməni qızı Anuşik bacısına deyirdi ki, Roza, onlarla oynama, türkdülər. 10 yaşında erməni bilirdi ki, türk kimdir. Biz düşmənçilik bilmirdik.

1988-ci ildə Bakıya oxumağa gəldim. Ermənilər davaya başlayırdı. Düşünmüşdim ki, oxuyub yurduma qayıdacam, amma olmadı. 1990-cı ildə laçına son zəngə görə Laçına getdim. Amma gördüm ki, heç kim yoxdur. Sinif yoldaşlarım döyüşdə idilər, vətəni qorumağa getmişdilər. Doğma dayım oğlu, kəndimizdə tanıdığım nə qədər insan şəhid oldu.

Doğulduğum gündən həyatımda həsrət olub. Birinci atam bizi atıb getdi, həsrəti ilə yaşadım. Nənəm Qumru dünyasını dəyişdi, üstünə həsrət gəldi. Sonra sevgilimi itirdim, onun da həsrəti gəldi. Amma vətən həsrəti başqa idi. Onu unutmaq mümkün deyildi, məni hələ də yandırırdı. Torpaq həsrətinə alışmaq olmaz. Bunu bilməzsiniz… İndi isə bir ümidim var… O torpağa gedib, dizlərimi yerə atıb üzr istəyəcəm. Gedib qəbrlərimi ziyarət edəcəm. Ocaq qalayıb, Üzeyir Hacıbəyovun “Koroğlu” uvertürasını oxutduracam.

Laçın həsrəti ilə neçə illərdir yanıram. Mən o torpağın qızıyam, laçınlıyam. Orada can verən oğullar üçün bilmirəm ki, nələr edim”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir