Xarici işlər nazirinin müavini Xələf Xələfov 60 illik yubileyi münasibətilə Rusiya Federasiyası Xarici İşlər Nazirliyinin “Beynəlxalq əməkdaşlığa töhfəyə görə” nişanına layiq görülüb.
Bu barədə XəbərAl.az-a Azərbaycan Xarici İşlər Nazirliyinin mətbuat xidməti idarəsindən məlumat verilib.
Mükafatı təqdim etmək məqsədilə Xarici İşlər Nazirliyinə gələn Rusiya Federasiyasının ölkəmizdəki səfiri Mixail Boçarnikov Rusiya xarici işlər naziri Sergey Lavrovun məktubunu oxuyaraq, nazir müavini Xələf Xələfovun çoxşaxəli Azərbaycan-Rusiya əməkdaşlığın möhkəmləndirilməsinə önəmli töhfə verdiyini qeyd edib.
