Mədəniyyət

Məşhur rejissor koronavirusdan öldü

Sharing is caring!

Dünyaca məşhur rejissor Kim Ki Duk Latviyada ölüb.

Bu barədə “Delfi” portalı xəbər yayıb.

Məlumata görə, rejissor noyabrın 20-də Latviyaya gedib, dekabrın 5-dən isə onunla əlaqə yaratmaq mümkün olmayıb.

Qeyri-rəsmi məlumatlara görə, Duk Yurmalada ev alaraq, yaşayış icazəsi üçün müraciət etmək niyyətində idi, ancaq planlaşdırılmış iclasa gəlməyib. Həmkarları onu xəstəxanalarda axtarmağa başlayıblar.

O da bildirilir ki, Cənubi koreyalı kinematoqrafçı koronavirusun yaratdığı fəsadlara görə dünyasını dəyişib.

Kim Ki Duk 2004-cü ildə “Samariyalı Qız” filmi ilə “Berlin Beynəlxalq Film Festivalı”nda, “Boş Ev” filmi ilə də “Venesiya Kino Festivalı”nda “Ən yaxşı rejissor” mükafatını alıb. 2011-ci ildə “Arirang” filmi ilə “Kann Film Festivalı”nın “Un Certain” mükafatları bölümündə “ən yaxşı film” mükafatını qazanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir