“Neçə vaxtdır deyirəm ki, aktyorlar üçün qəbiristanlıq yaradılsın. Çünki aktyorlar, incəsənət adamları rəhmətə gedəndə hamı qalır bir-birinə baxa-baxa. Çətinlik çəkirlər, Qurd qapısından, Xırdalandan xəbər verilməyini gözləyirlər”.
Bu sözləri Xalq artisti Afaq Bəşirqızı “ATV səhər”ə açıqlamasında deyib.
Sənətçi Rusiyada olan Novodeviçye qəbiristanlığını misal çəkərək Azərbaycanda da eynisinin yaradılmasını təklif edib:
“Tanınmış aktyorlar bir yerdə dəfn edilməlidirlər. Novodeviçye qəbiristanlığına giriş bizim pulla 5 manatdır. Oradan yığılan pul isə işçilərə verilir. Onlar da qəbirləri, otları təmizləyir, çiçəklər əkirlər”.
Qeyd edək ki, A.Bəşirqızı sözügedən təklifi keçirilən Teatr Forumunda da edib.
Xeberal.az
