Mədəniyyət

Qış parkında dünən nə baş verib?

Dünən ADO teatrının rəhbəri Elmin Bədəlov Qış parkında açıq havada tamaşa keçirib. Sosial şəbəkələrdə E. Bədəlovun və onu izləyən bir neçə nəfərin saxlanılmasını əks etdirən videogörüntü yayılıb. İctimai fəallar tək adamlıq küçə performansının polisin müdaxiləsi ilə dağıdılmasını  tənqid ediblər.

DİN Mətbuat xidmətinin rəisi, polis polkovniki Ehsan Zahidov açıqlamasında bildirib ki, həmin tədbir zamanı saxlanılan olmayıb: “Pandemiya şəraitində xüsusi karantin rejiminin qaydalarına uyğun olaraq kütləvi tədbirlərin keçirilməsi qanunla qadağandır.

Buna görə dünən polis əməkdaşları həmin ərazidə toplaşan şəxslərə yaxınlaşaraq profilaktik söhbət aparıb və karantin rejimi dövründə toplaşmağın yolverilməz olduğu bildirilib. Daha sonra orada toplaşan şəxslər ərazidən uzaqlaşdırılıb”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir