Oğuzda 66 yaşlı kişi çayxanada bıçaqlanıb.
“Report”un məlumatına görə, rayonun Bayan kəndi ərazisində yerləşən çayxanada 1957-ci il təvəllüdlü Bəxtiyar Yusub oğlu Həsrətov boyun nahiyəsindən bıçaq xəsarətləri alıb.
66 yaşlı B.Həsrətov Mingəçevir Rayon Mərkəzi Xəstəxanasına yerləşdirilib. Onun vəziyyəti orta-ağır qiymətləndirilir.
Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, hadisəni törətməkdə şübhəli bilinən 1974-cü il təvəllüdlü Rəşad Davud oğlu Manafov saxlanılıb, məhkəmə tibbi ekspertizası təyin olunub.
Faktla bağlı araşdırma aparılır.
Xeberal.az
