Bakıda 43 yaşlı kişini bıçaqlayan keçmiş məhkum saxlanılıb.
XəbərAl.az-ın xəbərinə görə, hadisə oktyabrın 28-də paytaxtın Yasamal rayonu, Ə.Əhmədov küçəsi ərazisində baş verib.
Belə ki, Bakı şəhər sakini, 1973-cü il təvəllüdlü İ.Qasımov naməlum şəxs tərəfindən bıçaqlanıb.
Ağır bədən xəsarəti ilə xəstəxanaya çatdırılan yaralının həyatını xilas etmək mümkün olub.
Yasamal Rayon Polis İdarəsinin 29-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini, 1979-cu il təvəllüdlü, əvvəllər məhkum olunmuş R.Kərimov saxlanılıb.
Faktla bağlı araşdırma aparılır.
