İqtisadiyyat

“Uğur yolu” müsabiqəsinin finalçılarına sertifikatlar təqdim olunub – FOTO

Sharing is caring!

İqtisadiyyat Nazirliyində “Uğur yolu” karyera inkişaf proqramının yarımfinal mərhələsində uğur qazanmış və final mərhələsinə yüksəlmiş iştirakçılara sertifikatlar təqdim edilib.

Nazirlikdən verilən məlumata görə, bununla əlaqədar keçirilən tədbirdə İqtisadiyyat nazirinin birinci müavini Elnur Əliyev finalçıları təbrik edib, artıq ikinci dəfə təşkil edilən müsabiqənin intellektual səviyyəsi və idarəçilik potensialı yüksək olan əməkdaşların müəyyən edilməsi, onların bilik və bacarıqlarının artırılmasında əhəmiyyətini qeyd edib.

Nazirin birinci müavini “Uğur yolu” karyera inkişaf proqramının finalçılarından Nazirlik qarşısında qoyulan vəzifələrin icrasında gözləntilərini, əldə olunmuş təcrübə və bacarıqların uğurla tətbiq ediləcəyinə əminliyini ifadə edib.

Qeyd edək ki, İqtisadiyyat Nazirliyinin təşəbbüsü ilə təşkil edilən “Uğur yolu” karyera inkişaf proqramının məqsədi Nazirlikdə yüksək potensiallı kadrların ehtiyat bazasının formalaşdırılması, əməkdaşların peşəkarlıq səviyyəsinin artırılması və hərtərəfli inkişafı üçün daha əlverişli şəraitin yaradılması, idarəetmə sahəsində təcrübə mübadiləsidir. Proqram həmçinin, korporativ mədəniyyətin güclənməsinə, əməkdaşlar arasında işgüzar əlaqələrin genişlənməsinə, effektiv ünsiyyətin formalaşmasına şərait yaradır.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir