Futbol üzrə UEFA Çempionlar Liqasında III təsnifat mərhələsinə start verilib.
Oxu.az xəbər verir ki, ilk oyun günündə beş qarşılaşma baş tutub.
Niderland PSV-si Fransada “Monako” ilə, Şotlandiya “Reyncers”i Belçikada “Yunion” ilə, Danimarka “Midtüllan”ı isə Portuqaliyada “Benfika” ilə üz-üzə gəlib.
Fransada baş tutan matçda minimal hesablı heç-heçə (1:1) qeydə alınıb. “Yunion” rəqibinin qapısından iki cavabsız top keçirib (2:0). “Benfika” isə darmadağınla yadda qalıb (4:1).
Çempionlar Liqası
III təsnifat mərhələsi, ilk oyunlar
“Şerif” (Moldova) – “Viktoriya” (Plzen, Çexiya) 1:2
“Lüdoqorets” (Bolqarıstan) – “Dinamo” (Zaqreb, Xorvatiya) 1:2
“Monako” (Fransa) – PSV (Niderland) 1:1
“Yunion” (Belçika) – “Reyncers” (Şotlandiya) 2:0
“Benfika” (Portuqaliya) – “Midtüllann” (Danimarka) 4:1
Qeyd edək ki, Çempionlar Liqasında III təsnifat mərhələsinin digər beş oyunu avqustun 3-də keçiriləcək. Azərbaycan çempionu “Qarabağ” Bakıda Macarıstan “Ferentsvaroş”unu qəbul edəcək.
Xeberal.az