Cüdoçularımız Gürcüstanın paytaxtı Tbilisidə keçiriləcək “Böyük Dəbilqə” turnirində iştirak edəcəklər.
Oxu.Az xəbər verir ki, 37 ölkədən 284 idmançının qatılacağı növbəti mötəbər yarış 3-5 iyun tarixlərində keçiriləcək.
Kişilərdən ibarət milli komandaya böyük məşqçi Mövlud Mirəliyev rəhbərlik edəcək. Komanda səkkiz cüdoçu ilə mübarizə aparacaq:
-60 kq. Rövşən Əliyev, Turan Bayramov
-66 kq. İbrahim Əliyev, İsmayıl İbrahimov
-73 kq. Telman Vəliyev
-81 kq. Elcan Hacıyev, Zelim Tskayev
-90 kq. Murad Fətiyev.
Qadınlardan ibarət milli yığma komanda isə yarışa məşqçi Vüqar Hüseynovun rəhbərliyi ilə qatılacaq. Komanda 48 kq çəki dərəcəsində Aişə Qurbanlı və Şəfəq Həmidova ilə təmsil olunacaq.
Xeberal.az
