İdman Manşetüstü

“Qarabağ” – “Partizani” matçının hakimləri açıqlandı

“Qarabağ” və Albaniyanın “Partizani” komandaları arasında keçiriləcək UEFA Çempionlar Liqasının I təsnifat mərhələsinin cavab görüşünə bütün təyinatlar açıqlanıb.

Qarşılaşma Moldovadan olan hakimlər briqadasına tapşırılıb. Baş hakim Dumitru Muntyana Vladislav Lifçu və Andrey Bodyan yan xətt, Aleksandru Tyan isə dördüncü hakim qismində kömək edəcəklər. Şotlandiyalı Uilyam Yanq hakim-inspektor, ingiltərəli Maykl Foster UEFA nümayəndəsi funksiyasını yerinə yetirəcək.

Qeyd edək ki, iyulun 17-də “Dalğa Arena”da keçiriləcək matç saat 21:00-da başlanacaq. Tiranadakı ilk görüş qolsuz yekunlaşıb.(Report)