Bu gün stend atıcılığı üzrə Azərbaycan Kubokuna start verilib.
Oxu.Az-ın xəbərinə görə, Bakı Atıcılıq Mərkəzində dörd gün davam edəcək turnir stend atıcılığının səngər və dairəvi növlərində – kişilər, qadınlar və qarışıq komanda kateqoriyalarında keçirilir.
Yarışda ölkənin müxtəlif şəhər və rayonlarından ümumilikdə 50 idmançı iştirak edir.
Turnirdən öncə açılış mərasimi baş tutub. Açılış mərasimində Azərbaycan Atıcılıq Federasiyasının vitse-prezidentləri – Zemfira Meftahətdinova, Tofiq Bəylərov və qurumun baş katibi Emin Cəfərov çıxış edib.
FOTO: Tapdıq Abdullayev
Xeberal.az
