Futbol üzrə Azərbaycan çempionu “Qarabağ” yeni mövsümün hazırlıqları çərçivəsində ilk yoxlama oyununu keçirib.
APA-nın məlumatına görə, Qurban Qurbanovun yetirmələri Çempionlar Liqasına hazırlıq çərçivəsində Bolqarıstan təmsilçisi “Ludoqorets”lə qarşılaşıb.
Görüş hər iki komandanın təlim-məşq toplanışında olduğu Avstriyada baş tutub.
Hər hissədə bir qol vuran Bolqarıstan təmsilçisi klubu “Qarabağ”ı 2:0 hesabı ilə məğlub edib.
Qeyd edək ki, Ağdam təmsilçisi Avstriyada daha 3 yoxlama görüşü keçirəcək.